Қызылорда мектептері мен колледждері экосабақ өткізді

Қызылордада «Таза Қазақстан» экологиялық акциясы аясында мектептер мен оқу орындарында қосымша эко сабақтар өтіп жатыр. Сондай тағылымдық дәріс Исатай Әбдікәрімов атындағы аграрлық-техникалық жоғары колледжінде өтті. Жалпы колледж ұжымы мемлекет басшысының бастамасын қолдап, экологиялық акцияға белсенді атсалысып келеді. Жастардың бойында тазалық мәдениетін қалыптастыру, қоршаған ортаны күтіп ұстау бағытында эколог маман дәріс беріп, студенттерге озық елдердің тәжірибесін таныстырды. «Мұндай танымдық сабақтар білім алушыларға ой салады» дейді оқытушылар.

Анар Ашалимова, оқытушы:

Оқу жылының басынан бері апта сайын сенбілікке шығамыз. Ауламызды, қоршаған ортамызды тазалаймыз. Студенттеріміз бір қуантарлық жағдай, көшеде жатқан, болмаса басқа жерде жатқан қоқысты көрсе, көтеріп қоқыс жәшігіне салады.