Ташкент айналасында да «Жасыл белдеу» пайда болады

Өзбекстан астанасы Ташкент қаласының айналасында болашақта «Жасыл белдеу» пайда болады. Біздің елде де Астана маңындағы аймақтарды абаттандыру жобасы саналатын «Жасыл белдеу» бар. Бұл жазда ыстықтан, қыста желден қорғайтын, қаланың климатын өзгертуге жасалған қадам. Енді осы тәжірибені көрші ел шаҺарға кіретін шаң-тозаңды тоқтатып, экологияны жақсарту үшін қолға алғалы отыр. Қазір күзгі көгалдандыруға басымдық берілуде. Климаты жұмсақ өңірде ағаш көшеттерін отырғызу әлі де жалғасып жатыр. Сондай-ақ жасыл желектің цифрлық картасы жасалып, арнайы реестр құрылған. Осы арқылы заңсыз ағаш кесудің алдын алуға мүмкіндік болады.

Орман шаруашылығын дамыту ісінде өзара тәжірибе алмасу бойынша көрші елдермен келісім жасалған. Оның ішінде Қазақстанмен де бірлесе атқаратын жобаларымыз бар. Биылдың өзінде 10 мың гектардан астам қосымша орман алқаптары пайда болып ағаштар егілді.