«Наурыз» бағдарламасы: 32 мыңнан аса адам өтінім берді

Санаулы минуттарда «Наурыз» жеңілдетілген ипотекалық бағдарламасына өтінім қабылдау аяқталады. «Отбасы банкі» өкілдерінің ақпаратынша, бүгінге дейін 32 мыңнан аса адам өтініш берген. Оның 72 пайызы қабылданған. Үйлі болуға ниеттілердің 16 пайызы әлеуметтік осал топқа жататын азаматтар. Сонымен бірге 4 жарым мыңдай адамның өтінімі бағдарлама талаптарына сай болмағандықтан, мақұлданбаған. Тағы 4 500 адам өтінім беру процесін аяқтамаған. Жалпы, қатысушылардың басым бөлігі жастар санатына жатады, қалғаны 35-тен асқандар.