Қарағанды облысында «Эко-қаһармандар» марапатталды

Қарағанды облысында «Эко-қаһарман» акциясы аясында 350 келіге жуық пластикалық бөтелке мен 7 тонна макулатура қайта өңдеуге жіберілді. 500-ге жуық оқушылар командаларға бөлініп, табиғатты барынша таза ұстауға атсалысты. Эко-сайысқа өңірдегі 30-ға жуық мектеп қатысқан. Олардың арасында белсенділігімен көзге түскен үздік командалар арнайы сыйлықтармен марапатталды. Ұйымдастырушылардың айтуынша, мұндай акциялар жасөспірімдердің экологиялық мәдениетін қалыптастыруға айтарлықтай сеп болмақ.

Бақтияр Санбаев, облыстық табиғи ресурстар және табиғат пайдалануды реттеу басқармасының басшысы:

Экологиялық «Таза Қазақстан» акциясы аясында өткізіп жатырмыз. Жыл басынан бері 6 акция өткіздік. Әртүрлі акциялар өтті. Нақты мақсаты – қағазды сұрыптау, тапсыру, өңдеу.