Талдықорғанда «Шеберлер шеруі» ұлттық қолөнер фестивалі өтуде

Талдықорғанда «Шеберлер шеруі» ұлттық қолөнер фестивалі өтуде. Жұмысшы мамандықтар жылы аясында ұйымдастырылған көрмеде Жетісу өңірінің 200-ден астам шебері өз туындыларын көпшілік назарына ұсынып, сатылым алаңына шығарды. Сондай-ақ шара аясында қатысушылар киіз басу, ши тоқу, құрақ құрау және жүннен бұйым жасау бойынша тегін шеберлік сағаттарын өтті. Фестиваль екі күнге жалғасады. Соңында қатысушыларға бағалы сыйлықтар мен 30 тігін машинасы табысталады.