Қырғызстанда парламенттік сайлауда президент жақтастары көп дауыс жинады

Қырғызстанда жексенбі күні өткен парламенттік сайлаудың алдын-ала қорытындылары жарияланып жатыр. Онда президент Садыр Жапаровты қолдаушылар көп дауыс жинаған.

Республика орталық сайлау комиссиясы хабарлағандай, Жоғарғы кеңестегі 90 орынның 51-ін Жапаровқа жақтас саясаткерлер иеленді.

Қырғызстан бұл сайлауды бюджетке салмақ түсірмеу қажеттігін алға тартып мерзімінен бұрын өткізді. Айта кетсек, әуелгі жоспар бойынша көрші ел жаңа депутаттарды 2027 жылдың қаңтарында өтетін президент сайлау қарсаңында, яғни, келесі жылдың желтоқсанында таңдауы тиіс еді.