Индонезияда тасқын мен лай көшкінінен 800-ден астам адам қаза тапты

Оңтүстік-Шығыс Азияда алапат тасқынмен күрес жалғасып жатыр. Соңғы мәліметке қарағанда, су апатынан 600-ден астам адам қаза тапты. Сол құрбандардың 442-сі – Индонезия тұрғындары, 170-і – таиландықтар мен малайзиялықтар. Жалпы алғанда, аймақта 4 миллионнан астам адам зардап шекті. Жүздеген мың тұрғынды қауіпсіз жерге көшіруге тура келген.

Қазір су тартылып жатса да, талай елді мекенге жету мүмкін болмай отыр. Өйткені жолдар бұзылып, байланыс жүйелері істен шықты.

Айта кетсек, Оңтүстік-Шығыс Азияның үш мемлекетінде су тасып, лай көшуіне бірнеше күн бойы төпелеп жауған жаңбыр себепші. Ал Шри-Ланкада дәл осындай апаттан 212 адам опат болып, 218-і жоғалып кеткен.