Еліміз бойынша 250 мың оқушы қашықтан оқып жатыр

Вирустық инфекцияның таралуына байланысты елімізде 250 мың бала қашықтан оқып жатыр. Бұл туралы Денсаулық сақтау вице-министрі Тимур Сұлтанғазиев айтты. Онлайн оқуға 13 өңірдің 900-ден астам мектебі көшкен. Еске сала кетейік, бұған дейін ведомство өкілдері вирус жұқтырғандардың саны 2 миллионға жеткенін хабарлаған еді. Гонконг тұмауына шалдыққандар қатары 1500-ге жуықтаған. Дәрігерлер тұрғындарға адам көп жиналатын орындарға бармауға, гигиеналық талаптарды қатаң сақтауға шақырады. Сондай-ақ қоғамдық орындарда маска тағып жүруге кеңес береді.