Тұтынушы құқығын бұзған кәсіпкерлерге ₸23 млн айыппұл салынды

Биыл тұтынушылардың құқықтарын бұзған 696 бизнес субъектісіне 23 млн теңге көлемінде айыппұл салынды. Тағы 347 кәсіпкер ескерту түрінде әкімшілік жауапкершілікке тартылды. Сауда және интеграция министрлігі Тұтынушылардың құқығын қорғау комитетінің мәліметінше, өңірлік департаменттер 10 айда 1080 тексеріс жүргізіп, кәсіпкерлерге қатысты 31 профилактикалық бақылау өткізген. Енді тұтынушылардың құқығын қорғау деңгейін арттыру үшін жаңа заң жобасын қабылдау, халықтың құқықтық сауатын арттыру, жасанды интеллектіні енгізу және келіп түскен өтініштерге мониторинг жүргізу мен талдау сынды шаралар қабылданбақ.

Болат Таңабергенов, ҚР сауда және интеграция министрлігі тұтынушылардың құқығын қорғау комитетінің төрағасы:

Біз жүргізіп жатқан жұмыс тұтынушылардың құқықтарын қорғау жүйесінің тиімділігін арттыруға және Тұтынушылардың құқықтарын қорғау саласындағы азаматтардың қанағаттану деңгейін 2027 жылға қарай 77%-ға дейін жетуге. Негізі, осы жылы 74,7% құрап отыр.