Елімізде 489 ауылға бас жоспар әзірленбейтін болды

Елімізде халқының саны 50 адамға жетпейтін 489 ауылға бас жоспар әзірленбейтін болды. Бул туралы бүгін орталық коммуникациялар қызметінде өткен баспасөз жиынында айтылды. Соңғы екі жылда 75 елді мекенге жаңа құжат жасалған екен. Бүгінде елдегі 90 қаланың барлығы бас жоспарлармен қамтылған. Сондай-ақ, 5 мыңнан аз халқы бар 4320 елді мекенде құжат бар, алайда 847-сін жаңарту қажет.

Бақытжан Жүнісбеков, ҚР өнеркәсіп және құрылыс министрлігі, комитет төрағасы:

1547 елді мекенде бас жоспар жоқ. Халқы 50 адамнан аспайтын 489 ауылға экономикалық тиімсіздігіне байланысты әкімдіктер тарапынан бас жоспар әзірлемеу жөнінде шешім қабылданды.