Басты Жаңалықтар Вашингтонның «Бейбіт жоспары»: Зеленский Украина халқына үндеу жариялады

Вашингтонның «Бейбіт жоспары»: Зеленский Украина халқына үндеу жариялады

23.11.2025 19:53

Марко Рубио Украина жерінде болып жатқан соғысты тоқтатады деген «Бейбітшілік жоспарынан» Ақ үйді белгілі бір деңгейде қашқақтатып отыр деген ақпарат тараған соң, жоспарды АҚШ жасағанын ол ашық жазды.

Мемлекеттік хатшы М. Рубио Женева сапары алдында сенаторлармен сөйлескен. Сонда байқалған әрекет көрінеді. Ал Женевада бүгін осы бейбіт жоспар талқыланып жатыр. АҚШ, Еуроодақ және Украина өкілдері қатысады деген.

Шын мәнінде осы аптада сөз етіп тұрған «Бейбіт жоспар» әуелі ақпарат құралдарына тарап кетті. Кейін АҚШ президенті «Украина осыған келісу керек, әйтпесе қару-жарақ сатпаймыз, барлау мәліметтерін бермейміз» деп қорқытып отыр.

Владимир Зеленский Украина халқына үндеу жариялады: не қадір-қасиеттен, не стратегиялық серіктестен айырламыз дегенге дейін айтты... Кремль «иә, жоспарды біз де алдық» деп отыр. Бірақ бұл екі жақтың арнайы өкілдері Кирилл Дмитриев пен Стив Уиткоффтың «бірлескен туындысы» ма, жоқ па — әрине, айтпайды.

Не ойы барын тіпті тарқатпай отыр. Еуроодақ Украинаны қолдайтынын тағы мәлімдеді. Бірақ құжат оларсыз дайындалған. Ал 28 пункттен тұратын жоспарды талқылап жатқан аналитиктердің көбі Украинаны жығып беру туралы айтады.

Алайда әрбір пунктті таразылап, бүкіл ситуацияны ескерсек, соншалықты тізе бүгу емес дейтіндер де бар. Бірақ ең басты сұрақ қойылмай отыр: соғыс ашушылар соғысты тоқтатуға шын бейіл ме?

Автор

Жайна Сламбек

Бөлісу