Басты Жаңалықтар Елімізде 80-нен астам эстониялық компания жұмыс істейді

Елімізде 80-нен астам эстониялық компания жұмыс істейді

23.11.2025 19:43

Эстония президенті Алар Карис Астанаға келді.

Эстония порттары арқылы Еуропаға астық экспортын арттыру жоспары бар. Балтық теңізіндегі айлақтар жеңілдікпен қызмет ұсынады.

Эстония - Балтық теңізінің жағалауындағы шағын ел. Халық саны 1 млн 300 мыңнан сәл асады. Кеңес Одағының оккупациясынан кейін империя ыдыраған соң посткеңестік елдердің ішінде алға суырылып шыққан мемлекет. Қазір Еуроодақтың мүшесі. Экономикасы қызмет көрсету мен өндіріске арқа сүйейді.

2005 жылдан бері Эстонияның Қазақстанға құйған қаржысы 128 миллион доллардан асты. Қазір елімізде 80-нен астам эстониялық компания жұмыс істейді. Бұл аз. Екі ел арасындағы сауда-саттық та анау айтқандай емес. Биылғы 9 айда 46 млн долларға сауда жасалды. Соны көбейтуге ынта бар.

Биыл Балтық теңізіндегі порттар арқылы еліміз 200 мың тонна дәнді-дақыл тасымалдаған. Оның негізгі бөлігі Италия мен Бельгияға жеткізілді. Алдағы уақытта Эстония арқылы тасымалды 10 есе арттыру жоспарланып отыр.

Автор

Жайна Сламбек

Бөлісу