Шымкентте 100-ге жуық адам сенбілікке шықты

Шымкентте «Таза бейсенбі» экологиялық акциясы жалғасын тапты. Сенбілік Шымсити шағын ауданындағы Абылай хан көшесінің бойында өтті. Шараға «Жастар рухы» жастар қанаты, мемлекеттік қызметшілер, еріктілер, қала тұрғындары қатысты. 100-ге жуық адам арық-атызды тазартып, жол жиегін сыпырып ретке келтірді. Мұндай тазалық жұмыстары жыл басынан бері 47-шi рет ұйымдастырылып, нәтижесінде 45 тоннадан астам қоқыс шығарылған. Жалпы акцияға 3 мыңнан астам адам атсалысқан.

Ербол Байқонысов, «AMANAT» партиясы Шымкент қалалық филиалы атқарушы хатшысының орынбасары:

Қала тұрғындарына және қонақтарына айтарымыз біздің осы Шымкент қаласын таза ұстауға тазалыққа шақырамыз экологиялық таза болатын болсақ тазалық денсаулық кепілі деп жатады. Сондықтан да біз әрқашан таза жүруіміз керек.