«EcoSummer 2025» байқауы қорытындыланды

Қалдықтарды жинау және сұрыптаудағы үздік бастамаларды қолдауға бағытталған «EcoSummer 2025» байқауы мәресіне жетті. Жеңімпаздар 4 номинация бойынша марапатталып, қомақты қаржылай сыйлыққа ие болды. Конкурсқа қатысушылар қоршаған ортаны қорғау тақырыбында бейнероликтер әзірлеп, 100 тоннаға жуық қалдықты қайта өңдеуге жіберген. Осылайша олар «Таза Қазақстан» тұжырымдамасының мәнін тұрғындарға түсіндіріп, көпшілікті экологиялық шарадан шет қалмауға шақырып жүр.

Батырбек Әубәкіров, Қазақстанның қайталама шикізатты қайта өңдеушілер қауымдастығының төрағасы:

«Таза Қазақстан» экологиялық акциясына аясында ұйымдастырылған байқауға қолдау көрсеткен министрлікке, «Жасыл даму» мен қаржы ұйымына алғысымды білдіремін. Бұл конкурсты алғаш рет өткіздік. Негізгі мақсатымыз – жастар арасында экологиялық мәдениетті қалыптастыру және қалдықты қайта өңдеудің маңызын түсіндіру.

Дулат Набиев, байқау жеңімпазы:

Осы уақытқа дейін Алматы қаласында қоқыстарды тазартумен айналысамыз. Өзіміздің жобамыз бар. 60 күн челлендж болды. 8 қалада болдық. Әр қалада мыңнан аса адам жинап, тазалық акциясын жүргізіп жүрдік.