Мүгедек балалардың кешенді бірыңғай орталығы ашылуы мүмкін

Енді еліміздің әр өңірінде, яғни облыс, аудан, қалаларында мүгедек балалардың кешенді қолдау бірыңғай орталықтары ашылуы мүмкін. Бұл мекемелер толықтай мүмкіндігі шектеулі балаларға қызмет көрсетеді. Яғни, баланың медициналық құжаттарынан бастап, дамытуға дейінгі барлық процесс орталықта жүзеге асатын болады. Ата-ана құжат жинау үшін әр жерге барып жүрмейді.  Мұндай өзгерістер  «Мүмкіндігі шектеулі балаларды кешенді қолдау туралы» заң жобасында көрсетілген. Құжат Мәжілісте қаралып жатыр. Бүгін Парламенттің төменгі палатасының жұмысшы тобы Заң жобасын талқылады.

Екатерина Смолякова, ҚР Парламенті Мәжілісінің депутаты:

Әрқайсысына баласын көтеріп алып, жүгіре беретін болса, жан-жақтан бір қағаз алып жүреді. Заң жобасы жүзеге асса, бірыңғай орталық қызмет көрсетеді. Ол жерде ерте диагностикадан бастап, білім беру қажеттіліктерін зерттеу, ауытқу, бала көмекті қажет ете ме және тағы басқаны анықтаудан бастап, троекториясын жазып шығатын мекемелер құрылады.