Түркістан облысында өрттен 12 адам қаза тапты

Түркістан  облысында қайғылы жағдай. Жеке тұрғын үйден өрт шығып, 12 адам қаза тапты. Оның 9 бала. Үйдің ішінен ес-түссіз күйдегі тағы үш адам табылды. Олар шұғыл ауруханаға жеткізілді.  

Қайғылы жағдай Түркістан облысының Жетісай ауданына қарасты Алғабас ауылында болған. Алғабас Түркістаннан 370, ал Шымкенттен 230 шақырым жерде орналасқан. Екі қабатты жеке тұрғын үйдегі өрт жайлы ақпарат төтенше жағдайлар қызметіне бүгін таңертең түскен. Көршілердің айтуынша, үй иелері іс-шара өткізіп, үйде қонақтар болған.