Ұлттық онкология орталығы обырды емдеудің тың әдісін қолданып жатыр

Йод негізінде жасалған препарат обырды емдейді. Ұлттық онкология орталығы қалқанша безінің қатерлі ісігін емдеудің тың әдісін қолданып жатыр. Бүгін Премьер-Министр Олжас Бектенов сол орталыққа барып, медицинадағы жетістіктермен танысты. Таяуда ғалымдар обырды ерте анықтауға көмек беретін тағы 13 препарат шығаруды жоспарлап отыр. Осылайша, жыл сайын 12 мыңнан астам зерттеу жүргізбек. Бұл отандық дәрі өндірісін дамытуға сеп болады.

Жанар Жақыпбекқызы, Ұлттық ғылыми онкология орталығының дәрігері:

Біздің пациенттер жоғары және сапалы аппараттармен тегін ем алып жатыр. Бұл протондық терапияны жоспарлауды, емді аса жоғары дәлдікпен жүргізу үшін маңызды. Біздің орталықта КТ аппарат және Қазақстандағы алғашқы МРТ симулятор аппараттары жұмыс істейді.