Ақтауда жастар саябаққа 100 түп тал екті

Ақтауда волонтерлер мен студенттер жастар саябағына 100 түп қайың мен мамыргүл көшетін екті.

Көгалдандыру жұмыстарына қаладағы қаржы ұйымдарының қызметкерлері де қатысты. Шара «Таза Қазақстан» экологиялық акциясы аясында ұйымдастырылған. 32-шағын аудандағы жастар саябағына егілген талдар өңір климатына төзімді. Еріктілер көшеттерді күнделікті баптап, суаруға да атсалыспақ.

Нұрдәулет Оралбаев, студент:

Өзіміздің «Таза Қазақстан», «Таза Маңғыстауға» үлесімізді қосып жатырмыз. Бұл саябақты өзіміз кеңейтіп, талдарды қаншалық неғұрлым көбейтсек,  табиғатымыз да соншалықты көрікті болады. Біз осы қоршаған ортаны жақсартуымыз, тазалауымыз керек.