Талдықорғанда «Zhetysu Engineering» байқауы басталды

Талдықорғанда «Zhetysu Engineering» атты облыстық зерттеу жобалары байқауы басталды. Додаға өңірдің аудан, ауылдарынан 50-ден астам оқушы қатысуда. Олар төрт бағыт бойынша сынға түседі. Жеңімпаз республикалық жарысқа жолдама алады. Бүгін жас зерттеушілер ауыл шаруашылығынан бастап жаңа технологияларға дейін өз жобаларын таныстырды. Тың идеясымен қазылар алқасының көзіне түскендердің бірі – Нұрасыл Шәріп. Ол адамның көмегенсіз-ақ жүк тасымалын қалай оңтайлы етуге болатынын көрсетті.

Нұрасыл Шәріп, оқушы:

Дәл осы жарысқа мен көлік және логистика секциясы бойынша өзімнің Қазақстандағы алғашқы жобамды алып келдім. Менің жобамның атауы –  «Track Mate». Яғни, ауыр жүктерді адамның қатысуынсыз тасымалдау. Осы жарыста барша қатысушыларға сәттілік, ал өзіме жеңіс тілеймін!