Вице-министр жарақат алған фельдшердің жайын айтты

Денсаулық сақтау Вице-министрі Астанада басына кондиционер құлап, ауыр жарақат алған фельдшердің әрекетін ерлікке балады. Оның айтуынша, зардап шеккен фельдшерге шұғыл түрде ота жасалған. Қазір ол жансақтау бөлімінде жатыр, жағдайы ауыр. Тимур Мұратов әріптесінің әрекетін «қолынан келгенінің бәрін істеді» деп бағалап, оны батылдық пен кәсіби борышқа адалдықтың үлгісі деп атады.

Тимур Мұратов, ҚР Денсаулық сақтау вице-министрі:

Медициналық қызметкерлер, оның ішінде жедел жәрдем қызметінде жұмыс істейтін әріптестеріміз күн сайын өздерінің бастарын бәйгеге тігіп, осылай қызмет жасайды. Біз әріптесімізге тезірек сауығып кетуіне тілектеспіз. Қолымыздан келген барлық жұмысты істейміз.