Ақмола облысында 370 келі есірткі тәркіленген

Ақмола облысында жыл басынан бері 370 келі есірткі тәркіленді. 279 заң бұзу дерегі тіркелген. Бүгінгі күні психикалық денсаулық орталығында есепте тұрған 409 адамның төртеуі кәмелет жасқа толмағандар. Соңғы кезде есірткі саудасына жастарды арбауда. Сондықтан қылмыстың алдын алу мақсатында Ақмола облысының Полиция департаменті оқушылармен және студент жастармен жиі кездесу өткізетін болған. Олар есірткіні тасымалдау, сақтау сынды заңсыз әрекеттердің салдарын түсіндіріп, статистикалық мәліметтерді мысалға келтірді. Темір тордың арғы жағында отырып, өкінген жандардың сұхбатын тыңдатты.