Құрылыс саласын дамытудың бағыттары талқыланды

«Qazaq Stroy» соңғы он жылда 5 миллион шаршы метрге жуық тұрғын үй салған. Соның үш жарым миллион шаршы метрі – әлеуметтік нысандар. Бұл туралы Мемлекет басшысының қабылдауында болған «Qazaq Stroy» компаниялар тобының құрылтайшысы Нұрлан Артықбаев айтты. Сонымен бірге, Президентке кәсіпорынның негізі қаланғалы 55-тен астам жоба жүзеге асырылғанын баяндады. Бұдан бөлек, компания азаматтарды қолдауға және қала инфрақұрылымын дамытуға бағытталған әлеуметтік бастамаларды белсенді іске асырып жатқанын айтты. Соның бір дәлелі - жыл сайын көпбалалы және аз қамтылған отбасыларға 100-ден астам пәтер беріледі. Кездесу барысында құрылыс саласын дамытудың бағыттары талқыланды.