Салық органдары бақылауды күшейтеді

Микроқаржы ұйымдарынан қарыз алғандар салық органдарының бақылауына ілігеді. Енді кредиттік бюролар Мемлекеттік кірістер комитетіне несиесі бар азаматтардың деректерін жібермек. Осылайша, Үкімет азаматтардың кірісі мен шығысы жайлы толық ақпарат алып отырады. Бұл салықтан жалтарып жүргендерді анықтап, көлеңкелі бизнеске бақылауды күшейту үшін жасалып отыр.  Ақпарат «Смарт Дата Файнанс» базасында өңделеді. Мемлекеттік кірістер агенттігінің айтуынша, жүйе жеке деректердің таралып кетуіне жол бермейді.

Ұлдана Сүлеймен, ҚР Қаржы министрлігі Мемлекеттік кірістер комитеті басқармасының бас сарапшысы:

Нәтижесінде бұл әділ салық салуға, бюджеттік түсімдердің ұлғаюына және көлеңкелі экономиканың деңгейін төмендетуге ықпал етеді. Осындай ақпараттарды алу салық органдарына табыс пен мүлкін бақылау жүйесін күшейтуге мүмкіндік береді.