Қостанай облысында «Табиғатқа 5 минутыңды арна» экологиялық флешмобы өтті

Қостанай облысының Сарыкөл ауданында «Табиғатқа 5 минутыңды арна» атты экологиялық флешмоб өтті. Шара аясында 80-нен аса қатысушы аула-көшені, қоғамдық орындарды тазалап, жасыл желекті абаттандырды. Бұл жастардың экологиялық мәдениетін көтеруге көмектеседі, дейді ұйымдастырушылар. Ал Қарабалық ауданының жастары «Қайырымдылық қақпағы» атты экологиялық акция ұйымдастырды. Тұрғындар 45 келіге жуық пластик өнімдерін жинап, қайта өңдеуге тапсырады. Түскен қаражат көмекке мұқтаж балалардың еміне жұмсалмақ.