«Қорғас» туризмнің жаңа бағытына айналады

Жетісу облысы мен ҚХР алдағы уақыт­та туризм саласындағы ынтамақты күшейтпек. Нәтижесінде «Қорғас» тек сауда аймағы ғана емес, мәдени және ойын-сауық орталығына айналады. Бұл туралы «Жетісу» туристік ақпараттық орталығы мен қытайлық тур агенттіктерінің кездесуінде айтылды.

Дамир Нұрмұхамет, тілші:

Менің ту сыртымдағы алып ғимарат «Қытай мәдени орталығы» деп аталады. Жетісу облысы мен ҚХР арасындағы алыс-беріс мәселесі және екіжақты туризмді дамыту жолдары осы қызыл сарайда талқыланады.

Қытайдың туы түстес ғимаратта көрші елдің тұтас тарихын танып білуге болады. Мұражайға ерте және орта ғасырларға тән құнды жәдігерлер көптеп қойылған. Дәстүрді насихаттаумен қатар өңірде денсаулықты нығайту жолы да қарастырылған.  Мұнда күніне жүзден астам шетелдік азамат ем қабылдайды.

Емдеудің екі түрі болады. Біреуі массаж алатын, ине қоятын, шөп дәрі ішетін. Бір-біріне ұқсамайды. Күніне үш дәрігер қарайды, мейірбикеден төртеу, одан кейін қаржыға жауапты және дәрілерді қаптайтыны бар, барлығы жалпы 7 адам жұмыс істейді.

Келуші туристер саны күнделікті 4 мың адам. Олар тек Қазақстаннан емес, Орталық Азия мемлекеттерінен Қырғызстаннан, Өзбекстаннан туристер қабылдаймыз. Гастрономиялық туризм жақсы дамып жатыр. Туристерге арналған ресторандар мен қонақүйлер бар.

Жетісу облысы екі бағыт бойынша ерекшеленеді: біріншісі – Алматы арқылы келетін шетелдік туристер легі, екіншісі – көршілес елдерден келушілер. Алакөл бағытындағы «Достық» теміржол бекеті мен «Нұрлы жол» көлік дәлізі арқылы туристердің ағымы артып келеді.