Каирде 20 жыл бойы салынған «Ұлы Египет мұражайы» ашылды

Мысыр астанасы Каирде 20 жыл бойы салынған «Ұлы Египет мұражайы» ашылды. Жоба құны 1 миллиард доллар. Ғимарат әлемдегі ең үлкен ежелгі өркениет музейі ретінде тарихқа енді. Оның басты экспонаты — Тутанхамонның 1922 жылғы кесенесінен табылған қазыналар. Оның ішінде перғауынның жерлеу кезінде кигізген алтыннан жасалған маскасы мен табыты бар.

Мұражай 2005 жылы тұрғызыла бастаған. Алайда Араб көктемі мен ковид пандемиясына байланысты құрылысы ондаған жылдарға созылған. Жаңа мұражай енді жылына 5 миллионға жуық саяхатшыны қабылдайды. Мысыр үкіметі бұл мұражай ел экономикасына үлес қосатын туризм орталығы болатынына сенімді.