Татарстан Қазақстан аумағында кәсіпорындар ашуға ниетті

Мемлекет басшысы Татарстан Республикасының Раисы Рустам Миннихановпен кездесіп, қызметке қайта сайлануымен құттықтады. Татарстанның Қазақстан аумағында кәсіпорындар ашу жоспары бар. Барлық бастамасын қолдаймыз, - деді Қасым-Жомарт Тоқаев. Машина жасау, мұнай-газ химиясы және оған қажетті бөлшектер шығару саласында табысты ықпалдастық орнады. Енді «КамАЗ» және «Татнефть» компанияларымен бірлескен инвестициялық жобаларға баса мән беру қажет деп санайды Мемлекет басшысы. Рустам Минниханов Қазақстан президентіне алғыс айтып, бизнес, өнеркәсіп, білім беру және мәдениет салаларындағы байланыстарды ілгерілетуге ниетті екенін растады.