Қазақстан бюджетінің негізгі үлесін небәрі 1500 компания құрайды

Қазақстан бюджетінің негізгі үлесін небәрі 1500 компания құрайды. Бұл туралы Премьер-Министрдің кеңесшісі Әлішер Қожасбаев мәлімдеді. Оның пікірінше, Қазақстанның басты экономикалық мәселесі –  кең-байтақ, бірақ аз қоныстанған аумағын сақтап қалу. Мысалы кей аймақтарда халық аз шоғырланса да, инфрақұрылым керек. Автомобиль, теміржол, мектеп сынды ірі жобалардың барлығы республикалық бюджеттен қаржыландырылады. Бұл ретте мемлекеттік қазына кірісінің негізгі бөлігін бизнестің өте шағын сегменті құрайды, - деді Қожасбаев. Елімізде 2,5 миллионға жуық бизнес болса, оның тек 1500-і ғана бюджет кірісінің негізгі бөлігін құрайды. Сондықтан ірі бизнесті, өнеркәсіп, өндірісті дамыту – кезек күттірмейтін мәселе.