Президент «Қазақстан – академиялық білім аймағы» халықаралық форумына қатысты

Бүгін Астанада Мемлекет басшысы Қасым-Жомарт Тоқаевтың қатысуымен халықаралық форум өтті. «Қазақстан – академиялық білім аймағы» атты ауқымды шарада стратегиялық серіктестер бас қосты. Бұл қатарда әлемнің жетекші жоғары оқу орындарының ректорлары мен халықаралық рейтинг және аккредиттеу агенттіктерінің өкілдері бар. Жиын аясында жоғары білім сапасын арттыру, халықаралық серіктестікті дамыту және Қазақстанның академиялық тартымдылығын күшейту мәселелері талқыланды.