Экс-шенеунік Ержан Бабақұмаров кісі қолынан қаза тапты

Астанада экс-шенеунік Ержан Бабақұмаров кісі қолынан қаза тапты. Ішкі істер министрлігінің баспасөз қызметі ақпаратты растады. Аталған факт бойынша қылмыстық іс қозғалды. 

Адам өлтру фактісі бойынша қылмыстық іс қозғалды. Алдын-ала анықталғандай, бұрыннан таныс адамдардың арасында жанжал туындап, ол төбелеске ұласқан. 56 жастағы ер адам алған жарақат салдарынан көз жұмған. Күдікті ұсталып, уақытша ұстау изолояторына қамалды. Қазір сотқа дейінгі тергеу-тексеру жүргізілуде.

Еске салайық, Ержан Бабақұмаров 1996 жылдан бастап мемлекеттік қызметте жұмыс істеді. Ол Президент әкімшілігінде, Мәдениет және ақпарат вице-министрі, Премьер-Министр Кеңсесі басшысының орынбасары, 2019-2022 жылдары Алматы қаласы әкімінің орынбасары сынды бірқатар лауазымды қызметтерді атқарған.