Волонтерлік бағыттағы жобаларға қолдау көрсетіледі

Атырау қаласында «Таза Қазақстан» экологиялық акциясы аясында «Эко мәдениет – жарқын болашақтың кепілі» атты кездесу өтті. Қатысушылар тазалық тақырыбында пікір алмасып, волонтерлік бастамалармен танысты. Сондай-ақ «Green Step School» жобасының арт-көрмесі, шеберлік сағаты мен таныстырылымы өтті. Мұндай кездесулер қоршаған ортаны қорғауға бағытталған қоғамдық белсенділікті арттырып, жас ұрпақтың экологиялық санасын қалыптастыруға үлес қосады дейді ұйымдастырушылар. Сондай-ақ аудан-ауылдарда экологиялық жобасын әзірлеген жастарға қаржылық қолдау да бар.

Мәнсия Сағидоллақызы, Жастар ресурстық орталығының басшысы:

Біздің мақсатымыз - бастамашыл жастарды әлеуметтік, кәсіптік және волонтерлік бағыттағы жобаларды жүзеге асыру. Бұған 1 млн және 500 мың теңге көлемінде гранттар беріліп отырады.