Энергия сақтайтын нысандар салынатын болды

Елімізде энергия сақтайтын нысандар салынады. Ауқымды жоба шетелдік инвестиция есебінен жүзеге асады. Бұл жайында Үкімет отырысында белгілі болды. Энергетика министрі Ерлан Ақкенженовтің сөзінше, бұл қадам ауқымды халықаралық жобаларды іске асыру үшін қажет. Электр энергиясын беру, желілерін тексеру жүйесіне де өзгеріс енгізіледі. Осы мақсатта арнайы топ құрылған. Оның құрамына саланың жетекші компанияларының өкілдері кірген. Елімізде отын-энергетика кешенін бірыңғай мемлекеттік басқару жүйесі құрылмақ. Қазіргі уақытта салалық платформаны жүзеге асыру жұмыстары жүріп жатыр. Платформа осы саланың барлық жүйесін бір базаға біріктіреді.

2027 жылға қарай нысандардың 50 пайызы цифрлық мониторингпен қамтылып, саланың негізгі процестері автоматтандырылатын болады. Қолмен орындалатын ескі рәсімдердің заманауи технологиялармен алмастырылуы – реинжинирингтің бір мысалы. Жаңа шешімдер адами факторды азайтып, дәлдікпен қауіпсіздікті арттырады.