Еуропарламент депутаттары Республика күнімен құттықтайды

«Талай асуды бағындырып, биік белестен көрінген Қазақстанның әлемдік аренадағы абыройы әрқашан асқақ болсын!». Бұл Еуропалық парламент депутаттарының Республика күні мерекесіне тілегі. Қазақ елімен саяси-экономикалық қатынасты күшейтуге күш салып жүрген еуропалықтар мызғымас экономика қалыптастырып, аз уақытта азулы елдер санасатын дәрежеге жеткен Қазақстанның даму жолына жоғары баға беруде.

Вилис Криштопанс, Еуропалық парламенттің депутаты:

Еуропалық комиссия, ЕуроОдақ елдері Қазақстанмен ынтымақты арттыруға мүделлі. Себебі, Қазақстан Қытай мен ЕуроОдақ арасындағы маңызды көпір. Елдеріңіз арқылы теміржолмен Еуропаға қомақты жүк тасымалы жүргізілуде. Қазақстан талай белесті бағындырды. Елдеріңіз әрі қарай да өркендей берсін. Егемендікті бағалап, оны мәңгі қастерлей біліңіздер.

Томаш Здеховский, Еуропалық парламенттің депутаты:

Елдеріңіздегі демократиялық реформалар, саяси экономикалық өзгерістер Қазақстанның Орталық Азиядағы көшбасшы мемлекет екенін көрсетеді. Қазақстан мен ЕуроОдақ мызғымас дос, сенімді серіктес ретінде өзара тиімді ынтымақтастықты дамытуда. Елдеріңізге бейбітшілік, мол табыс тілеймін!