Ақтөбе облысындағы жол апатына байланысты Үкіметтік комиссия мүшелеріне нақты тапсырмалар берілді

Премьер-министрдің орынбасары Қанат Бозымбаев Ақтөбе облысында болған жол-көлік апатының себеп-салдарын анықтау үшін құрылған Үкіметтік комиссия мүшелеріне нақты тапсырмалар берді. Зардап шеккен алты адам Хромтау аудандық ауруханасына жеткізілді. Олардың екеуінің жағдайы ауыр, төртеуі – орташа. Денсаулық сақтау министрлігіне оларды санавиациямен Астанаға жеткізуді тапсырды. Ал Еңбек және халықты әлеуметтік қорғау министрлігі мен облыс әкімдігіне қаза тапқандардың отбасыларына материалдық және психологиялық көмек көрсетуді міндеттеді. Кеше таңертең «Самара-Шымкент» тасжолында жүк көлігі «Газель» жолаушылар көлігімен соғылып, 12 адам қаза тапты.