Ақтөбеде жастар саябақты тазалады

«Тазалық – тәртіптің айнасы!» Ақтөбелік студенттер осындай ұранмен «Таза Қазақстан» акциясына үлес қосып жатыр.

Республика күні қарсаңында Жастар ресурстық орталығы ұйымдастырған шара «Ретро» саябағында өтті. Колледж студенттері осымен отызыншы мәрте экологиялық акцияға шығып отыр. Олар демалыс орнын күл-қоқыстан арылтып, ағаштарды әктеді. Жалпы, жыл басынан бері «Таза Қазақстан» акциясы аясында өткен сенбіліктерге 4 мыңға жуық студент қатысқан.

Исламбек Мұқан, студент:

Қала таза болса, өзімізге жақсы. Адам көзімен қарағанда әдемі, қаламыз әдемі боп көрінеді. Және біз болашаққа жастарға үлгі ретінде  көрсетеміз.