Ақмола облысында өртенген үйден 3 баланы құтқарып қалды

Ақмола облысының Үлгі ауылында әкелі-балалы қос азамат өртке оранған үйден үш баланы аман алып шықты. Ерлан Тоқсамбаев пен оның баласы Мирас жанталасып жүріп, қою түтіннің арасынан кішкентайларды шығарған сәтте-ақ үйдегі екі газ баллон бірінен соң бірі жарылған. 

Балам екеуіміз осы жерде өтіп бара жатып, үйдің жанып жатқанын көріп қалдық. Сосын жүгіріп келсек, мында екі бала тұр. Бір қыз бала, бір ұл бала, сұрасақ, іште үш бала бар дейді. Арғы бөлмеде деп айтты. Арғы бөлменің шынысын сындырып, Мирас кірген, балалар жоқ деді. Сосын қарасақ, бер жақ әйнегінде бір қыз бала жылап тұр, сол әйнекті аша алмай итеріп-итеріп, білмеймін қалай ашқанымызды, әйтеуір ашылып кетті. Бір қызды алып, екі бала диванда отыр, екеуін де алып шықтық. 

Денис Шипокляк, Біржан сал ауданының ТЖД бөлімінің басшысы:

Өртті  40 минутта өшірдік. Электр сымдары тұйықталып, содан от шыққан.  

Балаларымды өрттен аман алып шыққан Ерлан мен Мирасқа алғысым шексіз. Үлкен қызым сыртқа кіші баланың соңынан жүгіріп шығып, содан кіре алмай қалған. Есі кірген бала ғой, әлі күнге дейін күйзелісте жүр. Мен үшін ең бастысы - балаларым аман қалды. Ауылдастарыма да ризамын, киім-кешек, азық-түлікпен көмектесіп жатыр.