Қырғызстанда жанармай қымбаттауы мүмкін

Қырғызстанда жанармай шамамен 15 пайызға дейін қымбаттауы мүмкін. «Тенгриньюстің» хабарлауынша, көрші елде мұнай өнімдерінің тапшылығы туындаған. Себебі соңғы кезде Ресейден жанармай шектеулі көлемде тасымалданып жатыр. Нарықты тұрақтандыру үшін Қырғызстанның бәсекелестікті қорғау қызметі Экономика және коммерция министрлігіне бірқатар ұсыныс жолдаған. Атап айтқанда, салықтық жүктемені уақытша азайту – яғни акциз, ҚҚС және экологиялық төлемдерді төмендету мәселелері қарастырылып жатыр.