Қазақстан – Әзербайжан форумы: 16 меморандумға қол қойылды

Қазақстан мен Әзербайжан бизнес форумы аясында 16 меморандумға қол қойылды. Қос тарап негізінен цифрлық интеграция және IT саласындағы серіктестікті дамытпақ. Себебі Қазақстан бүгінде Орталық Азиядағы IT қызмет экспортында көшбасшылардың бірі. Astana Hub технопаркі мен Alem.AI жасанды интеллект кластері елдің цифрлық экожүйесін дамытып отыр. Форумда екі ел биометрия, жасанды интеллект және электронды сауда салаларында бірлескен жобаларды іске асыруға дайын екенін білдірді.

Жалпы, екі ел экономикалық байланысты жаңа деңгейге көтермек. Былтыр арадағы тауар айналымы 534 млн долларға жеткен. Жиын соңында тараптар өзара сауданы арттыруға, инвестицияны көбейтуге және транскаспий бағытындағы ынтымақтастықты күшейтуге уағдаласты.