Астана мен СҚО-да газ тапшылығы жоқ

«Астана мен Солтүстік Қазақстан облысы газсыз қалуы мүмкін» деген ақпарат шындыққа жанаспайды. Жалған мәліметке қарсы іс-қимыл орталығы кеше бірқатар БАҚ-та жарияланған хабарламаны жоққа шығарып, азаматтарды тек ресми дереккөздерге сенуге шақырды. Энергетика министрлігінің ресми түсініктемесіне сәйкес, бүгінде еліміздің барлық газдандырылған өңіріне, соның ішінде елорда мен Солтүстікке көгілдір отын толық көлемде және шектеусіз беріліп жатыр. Газ жеткізу тұрақты. Сондықтан елорда жылусыз қалуы мүмкін деген - жалған ақпарат.