Жедел жәрдемнің дәрілік заттар тізімі көбейді

Биылдан бастап паллиативті көмек көрсету кезінде қолданылатын анестетиктер мен дәрілік заттар тізімі 18 атауға дейін кеңейді.

Денсаулық сақтау министрлігі паллиативті көмек көрсетуді ұйымдастырудың жаңа ұлттық стандарттары әзірленетінін хабарлады. Қазір айықпас дертке шалдыққан азаматтарға 9 дербес мекеме қызмет көрсетеді. 20 өңірде 220 мобильді бригада жұмыс істейді. Жыл басында мобильді бригадаларды қаржыландыру көлемі артты. Сондай-ақ стационар деңгейінде паллиативті көмек көрсету тарифі ұлғайды. Жалпы ел бойынша көмекке зәру жандарға 2087 төсекорын қарастырылған. Оның 81-і балаларға арналған.