Сенат депутаттары 100-ден астам ағаш отырғызды

Мәулен Әшімбаев бастаған бір топ Сенат депутаты, Бейбітшілік және келісім саябағында 100-ден астам ағаш отырғызды. Сенат Төрағасы «Таза Қазақстан» акциясы экологиялық мәдениетті қалыптастыруда маңызды рөл атқаратынын атап өтті. Экологиялық бастама тек табиғатты қорғауға емес, рухани тазалық пен ізгілікке үндейтін игі іс ретінде бағаланды. Акция аясында өткен сенбілікке 200-ге жуық адам қатысты. Сенаторлар бұл бастаманы тұрақты түрде қолдап келе жатқанын және елді көгалдандыру мен экологиялық сана қалыптастыру жолындағы жұмыстар жалғаса беретінін жеткізді.

Әли Бектаев, ҚР Парламенті Сенатының депутаты:

Біздің бұл «Таза Қазақстан» жалпыұлттық акция бүкіл көрші мелекеттерге үлгі болып жатыр деп айтсақ болады. Бұны бастаған біздің Президентіміздің мақсаты шынында елдің, бүткіл әлемнің таза болуы, бүткіл әлемнің жап-жасыл болып көгеріп жатуы. Елде қазіргі уақытта эколгоияның, геосаяси жағдайдың бұзылған уақытында осындай акциялар біздің халқымыздың денсаулығы үшін, жастарымыздың болашағы үшін өте маңызды.