Табиғат жанашырлары оқушыларға дәріс оқыды

Маңғыстау облысының Бейнеу ауданында «Таза Қазақстан» экологиялық акциясы аясында табиғат жанашырлары мектеп оқушыларымен кездесіп,  қоршаған ортаны қорғауға шақырды. «Қызылсай» мемлекеттік өңірлік табиғи паркінің ғылыми қызметкерлері мен «Сам орман шаруашылығы» мекемесінің мамандары оқушыларға табиғатқа жанашырлықпен қараудың маңызын тереңірек түсіндірді. Балалар табиғат байлығы - жануарлар мен өсімдіктер әлемі жайында қызықты мәліметтермен танысып,  экологиялық мәселелерге қатысты сұрақтарға жауап алды.