Ақмола облысында ақша жымқырған шенеунікке сот үкімі шықты

Ақмола облысының Астрахан ауданында 2,5 миллион теңге көлемінде бюджет қаражатын жымқырған мәдениет үйінің басшысы сотталды. Қызмет бабын пайдаланған ол 2022-2024 жылдар аралығында жалған  төлем қағаздарын рәсімдеп келген. Сот үкімімен оған 3 жыл 6 ай бас бостандығынан айыру жазасы тағайындалды. Алайда кінәлінің кішкентай балалары бары ескеріліп, бас бостандығынан айыру жазасы 5 жылға кейін шегерілді.