Басты Жаңалықтар Жамбыл облысында Түркістанға ағатын канал тазаланды

Жамбыл облысында Түркістанға ағатын канал тазаланды

08.10.2025 13:06

Жамбылдағы Фурманов айналма каналының ұзындығы 52 шақырым болатын бөлігінде механикалық тазалау жұмыстары аяқталды. Айналма каналды соңғы 40 жылда алғаш рет тазалау жұмыстары қолға алынған еді. Канал арқылы Шу өзенінің суы Түркістан облысының Созақ ауданына бағытталады. Бүгінде ұзындығы 52 шақырым болатын бөлігі тазартылды. Оған 8 шынжыр табанды экскаватор мен екі тиегіш техникасы тартылды. Ал каналдың жалпы ұзындығы 120 шақырым. Жергілікті тұрғындар су арнасын тазалау өңір үшін маңызды екенін айтады.

Темірлан Ақбалаев, Мойынқұм ауданының тұрғыны:

Бұл канал осы жерден шығатын Қылышбай ауылы, Құмөзек ауылы, Қарабөгет ауылы, Сарыөзек ауылы – 4 ауылды басып өтеді. Бұл өзеннің бізге өте маңызы бар. Қаншама бақша, қаншама мал су ішеді, қаншама шабындық бар.

Автор

Қозы-Көрпеш Жасаралұлы

Бөлісу