О.Бектенов: Жылу беруді және көмір бағасын бақылауда ұстау қажет

Бүгін Үкімет отырысында Премьер-министр Олжас Бектенов жылу беру маусымы басталғанын айтып, өңір әкімдеріне көмір бағасының тұрақты болуында бақылауда ұстауды тапсырды.

Олжас Бектенов, ҚР Премьер-министрі:

Бүгінде өңірлердің басым бөлігінде жылу беру маусымы уақытылы басталды. Республиканың оңтүстігінде жылу бекітілген кестеге сәйкес және ауа райына байланысты беріледі. Өңір әкімдеріне жылу беру маусымын тікелей бақылауға алуды тапсырамын. Жылу көздеріндегі барлық жоспарлы параметрлердің сақталуын, отынның нормативтік қорын қадағалап отыру қажет. Резервтің жабдықтардың әзірлігін қамтамасыз етіңіздер. Коммуналдық қызметтердің жөндеу бригадалары кез келген жағдайға шұғыл әрекет етуі тиіс. Сондай-ақ халыққа арналған көмір бағасының тұрақты болуын да бақылауда ұстау қажет.