Арқалықтағы мектеп ауласындағы эко-бақ жемісін бере бастады

Арқалық қаласының оқушылары мектеп ауласына көгөніс отырғызып, эко бақ ашқан. Көктемде еккен өнімдері жемісін бере бастады. «Жасыл мектеп» жобасы аясында оқушылар жаз бойы зерттеу жүргізіп, бақшаны өздері күтіп, баптаған. Кейін өнімдер мектептің «Ас өнері» үйірмесінде қолданылады. Мұндай жоба балаларды еңбектің қадірін ұғынып, жауапкершілік алуға үйретеді дейді ұстаздар.

Ақтоты Ахмедина, №7 мектептің биология пәнінің мұғалімі:

Жасыл мектеп жобасы жас ұрпақтың жан-жақты дамуына, табиғатпен етене араласуына, еңбекті қадірлеуіне жол ашып қана қоймай, өмірге бейім, жауапкершілігі мол азамат етіп тәрбиелеуді мақсат етеді. Оқушыларды табиғатты аялауға үйретіп қана қоймай, еңбекке баулуды және салауатты өмір салтын насихаттауды мақсат етеді.