Еліміздің оңтүстігінде жер сілкінді

Еліміздің оңтүстігінде жер сілкінді. Дүмпу кеше түнгі сағат 01:29-да тіркелді. Эпицентрі Алматы қаласынан 465 шақырым қашықтықта, Қырғызстан аумағында орналасқан. Магнитудасы – 5.9. Төтенше жағдайлар министрлігінің хабарлауынша, жер сілкінісі Шымкент қаласы мен Түркістан, Жамбыл облысында да сезілген. Дүмпу күші шамамен 2-4 балл арасында болған. Қазір аталған өңірлерде жедел штаб құрылып, жұмыс істеп тұр. Ведомство өкілдерінің ақпаратынша, зардап шеккендер жоқ. Ешқандай ғимаратқа зақым келмеген.