Түркістан облысында республикалық жастар форумы өтті

Түркістан облысының Төлеби ауданында еліміздің 20 өңірінен келген 300-ге жуық азамат «Auyl Jastary» республикалық форумында бас қосты. Жиында жастардың қалаға жаппай көшу себептері, жұмыспен қамту, инфрақұрылым мен тұрмыс сапасын жақсарту мәселелері көтерілді. Сондай-ақ, форумда цифрландыру мен жасанды интеллектіні ауыл өміріне енгізу, жаңа бастамаларды іске асыру жолдары сөз болды.

Ерболат Саурықов, ҚР Парламенті Мәжілісінің депутаты:

«Ауылдағы жастарға бүгінде жұмыс тауып беру мәселесі өте қиынға айналып тұр. Сондықтан мемлекеттік тұрғыдан біз бағдарламаларды күшейтуіміз керек. «Дипломмен ауылға» сияқты бағдарламалардың кемінде 10 шақтысы болу керек! Біз қайткен күнде де ауылдан шыққан жастарды ауылға қайтып әкелу мәселесін және ауылдың көркеюі үшін жұмыс жасайтын боламыз».