Азаматтардың сайлау мәдениетін қалыптастыруға арналған жиын өтті

Ақмола облысында бас қосқан ТМД-нің сайлау органдары басшыларының консультативтік кеңесінің кезекті отырысы электоралдық саладағы жастар саясатына арналды. Осы бағытта арнайы жұмыс тобы да құрылған.

Азаматтардың сайлау мәдениетін қалыптастыру маңызды. Тіпті бұл бағыттағы жұмысты жастармен ғана емес, болашақ сайлаушылар арасында жүргізу керек делінді жиында. ТМД-ға қатысушы мемлекеттер жастардың сайлау мен референдумдарға қатысуға деген қызығушылығын қалыптастыру, жастардың сайлау құқығы, сайлау технологиялары бағытында өз тәжірибесін айтты.

Ғалым Шойкин, ҚР Орталық сайлау комиссиясы жанындағы сараптамалық кеңестің мүшесі:

Біз де өз тәжірибемізді айттық. Ол қызығушылық тудырды. Біз оны жетілдіріп, ұсыныстарымызды тағы жолдаймыз. Біздің мақсатымыз – еліміздегі электоралдық мәдениетті қалыптастыру. Бұл жұмысқа тек қана орталық сайлау комиссиялары ғана емес, барлық мемлекеттік орган қатысуы керек.