Ақмола облысында тұрғындар 100 түп ағаш көшетін отырғызды

«Таза Қазақстан» экологиялық акциясы Ақмола облысында да жалғасын тапты.  Бүгін  Атбасар қаласының 200-ден аса тұрғыны шаһар көшелері мен саябақты қоқыстан тазартты.

Игі іске мемлекеттік қызметшілер мен еріктілер, қоғамдық ұйымдардың өкілдері белсенді қатысты. Акция барысында 70 текше метрге жуық қоқыс шығарылды. Шаһарда жасыл желек қорын көбейтуге де ерекше мән берілген. Сондықтан бүгінгі акцияда 100 түп ағаш көшеті отырғызылды.

Төлеген Жабалбай, Жастар ресурстық орталығы жетекшісінің міндетін атқарушы: 

Табиғатты қорғау баршамыздың міндетіміз. Бүгінгі таңда жастар ресурстық орталығы осы акцияға атсалысып жатыр. Әрбір азаматты табиғатты қорғауға шақырамыз.